Skrifstofa félagsins verður lokuð á aðfangadag og á gamlársdag, en að öðru leyti verður opnunartími í samræmi við auglýsingar (hér til hliðar).
Ef bilanir eða bráð vandamál koma upp er vísað á síma umsjónarmanns (898-3389) eða framkvæmdastjóra (869-6680), sem kalla þá til viðgerðarvakt frá þjónustuaðilum ef á þarf að halda.
Óskum öllum enn og aftur gleðilegra og áfallalausra hátíðahalda.
Framkvæmdastjóri
Búseti á Norðurlandi - stjórn og starfsmenn - óska félagsmönnum öllum og sérstaklega búsetum og leigjendum í íbúðum félagsins og fjölskyldum þeirra - gleðilegra jóla og nýárs.
Félagið þakkar fyrir samstarfið á árinu sem senn er liðið og væntir þess að saman eigum við bjarta framtíð og góð viðskipti inn á við jafnt sem út á við.
Framkvæmdastjóri
Minnum á búsetafund/íbúafund - fyrir Stallatún, Lækjartún, Holtateig, Klettaborg, Skessugil
Kl 18:00 fimmtudaginn 3.desember í Lionssalnum Skipagötu 14.
Framkvæmdastjóri
Minnum á fundinn kl 18 á miðvikudag 2.desember
Lionssalurinn Skipagötu 14 4.hæð
Með mánaðarreikningum fyrir nóvember og desember kemur fram breyting á upphæð vegna rafmagns og hita (þar sem það á við). Ástæðan er álestur í október og leiðrétting samkvæmt áætlun miðað við ársnotkun. Í flestum tilfellum er um að ræða hækkun vegna gjaldskrárbreytinga, en einstaka hús hafa minnkað notkun sína og lækka því tilsvarandi.
Þar sem óútskýrð frávik koma fram tekur umsjónarmaður málið til skoðunar og leitar lagfæringa ef um bilanir eða mistök er að ræða.
Varðandi rafmagn í Kjarnagötu 12-16 virðist ekki komið nægilegt jafnvægi á notkun. Það verður til frekari skoðunar næstu mánuðina.
Beðist er velvirðingar á að félagsmönnum hefur verið send innheimtuviðvörun vegna ógreiddra félagsgjalda fyrir mistök af okkar hálfu. Af þeim sökum skal tekið fram að félagsgjöld verða ekki sett í löginnheimtu en félagsmenn eru engu síður hvattir til að greiða árgjaldið við fyrsta tækifæri.
Reikningarnir fyrir árgjaldi 2009 voru sendir út mun síðar en innheimtukröfurnar voru stofnaðar í bankakerfinu. Því hafa reikningarnir verið sýnilegir í heimabönkum fólks og í þjónustukerfi bankanna til greiðslu og hafa margir þegar greitt árgjöldin. Hafi þetta valdið einhverjum misskilningi eða óþægindum er enn og aftur beðist velvirðingar á því.
Þeir sem fengið hafa reikninga vegna árgjalds 2009 og telja sig einhverra hluta vegna ekki vera gjaldskylda eru beðnir að hafa samband við félagið í síma 452-2888 milli kl 10 og 12 virka daga.
Úrsagnir úr Búseta á Norðurlandi þurfa að berast skriflega. Hægt er að prenta út eyðublað hér á heimasíðunni eða senda tölvupóst í netfangið dagrun@busetiak.is
Dagrún Matthíasdóttir hefur tekið til starfa á skrifstofu félagsins. Frá sama tíma hefur Urður Snædal tekið orlof og hefur að því loknu sagt upp störfum hjá félaginu.
Dagrún er boðin velkomin til samstarfs. Um leið þakkar félagið Urði fyrir starfstíma sinn og óskar henni velfarnaðar í framtíðinni.
Framkvæmdastjóri
Frá því á vordögum hafa nokkrir félagsmenn tekið gestaíbúð á leigu. Um er að ræða stóra íbúð - 5 herbergi - með svefnstæði fyrir allt að 10 manns. Mörgum þykir of dýrt að greiða fullu verði fyrir gistingu þegar færri nýta íbúðina. Reynslan hefur þannig leitt til þess að boðið verður upp á aukinn sveigjanleika um nýtingu - og einstökum herbergjum lokað ef færri hyggjast gista. Verðskráin er einnig lækkuð miðað við að samkeppni af orlofsíbúðum virðist af mörgum tekin til viðmiðunar.
Sjá nánar til hliðar; (Hér)
Haldinn var aðalfundur félagsins miðvikudaginn 8. júlí.
Á fundinum gerði Guðlaug Kristinsdóttir formaður félagsins grein fyrir helstu verkefnum stjórnarinnar á liðnu starfsári. Framkvæmdastjóri fór yfir stefnumörkun félagsins frá árinu 2007 gerði grein fyrir þeim sviptingum sem orðið hafa í rekstrarumhverfinu síðustu missiri.
Reikningar félagsins voru lagðir fram og samþykktir. Rekstrarniðurstaðan 2008 endurspeglar kreppuástandið og þá óvissu sem er varðandi verðmæti fasteigna. Árið 2008 var gert upp með verulegu rekstrartapi sem gengur á efnhag félagsins. Félagið hefur nýtt sér frystingu lána hjá Íbúðalánasjóði til að takast á við tímabundna erfiðleika í rekstri og einstaklingum sem hafa misst vinnu/tekjur hefur boðist að greiða skert mánaðargjald - en ganga á inneign sína í búseturétti á móti.
Verðlækkun fasteigna og offramboði íbúða á Akureyri hefur verið mætt með því að almenn verðskrá félagsins hefur verið fryst og/eða lækkuð um 3-5% með júlí 2009.
Guðlaug Kristinsdóttir var endurkjörin formaður félagsins til tveggja ára.
Ingvar Björnsson og Helgi Már Barðason voru endurkjörnir í stjórn til tveggja ára og var Ingvar endurkjörinn varaformaður. (Fyrir voru í stjórn Hrafn Hauksson og Ingi Rúnar Eðvarðsson.)
Í varastjórn voru kjörin - til eins árs; Rúnar Davíðsson, Stefán Einar Jónsson, Guðbjörn Þorsteinsson, Hermann Árnason og Sigríður María Bragadóttir.
Fundurinn var fremur fámennur - enda eflaust margir félagsmenn í fríi á þessum tíma og með hugann við annað en félagsmál.
Stjórn Búseta á Norðurlandi hefur ákveðið að mánaðargjald verði lækkað um 3,5-5% frá júlí 2009. Jafnframt er gert ráð fyrir að gjaldið verði óbreytt til og með desember 2009.
